話說周六見醫生，照到大約有13粒卵泡size成熟，仲定埋周一取卵添，我的心頭大石終于可以暫時放一放。
今日做取卵手術時有麻醉醫生系身邊，我唔夠5秒鐘就訓著左，過程一D感覺都無，順利完成，系度好多謝各位姐妹對小妹的支持同鼓勵！
我醒返第一時間問姑娘：“一共抽左幾多粒卵啊？”姑娘話：“23粒。”我個頭暈一暈，以為自己麻醉藥未過聽錯，定一定神，再問多次：“系13粒定系23粒話？”姑娘望多次個file，好肯定咁話：“23粒。“ Oh my god，發生咩事？點解俾預期多左10粒卵？我真系唔系好明，點解無端端多左10粒？我知道我卵巢D卵唔止13粒，但系其他D size都仲好細，無理由兩日就可以長到成熟的size。有無姐妹可以解答到我的疑問啊？我真系好想聽日打電話返去問醫生
不過無論點都好，蘇醫生一定有他的原因抽左23粒卵，我應該開心先啱，真系太意外啦！God must have listened to my prayer！我宜家個肚好漲，有D扯住扯住痛，但可以忍受，相信過一兩日應該會好好多。聽日就會知有幾多粒卵受精并成功分裂，好期待啊！
沒有留言:
發佈留言