隨緣

佛说，生命中的许多东西是可遇不可求，刻意强求的得不到，而不曾被期待的往往会不期而至。 因此，要拥有一颗安闲自在的心，一切随缘，顺其自然，不怨怒，不躁进，不过度，不强求，不悲观，不刻板，不慌乱，不忘形，不以物喜，不以己悲。随缘不是听天由命，而是以豁达的心态面对生活。

祝願大家有個fruitful和值得感恩的2013！

First IUI 之無奈

昨晚氣溫下降，我成晚手腳冰冷，但唔知點解訓到半夜我竟然成頸汗，真奇怪！唔通我真系咁“散”？

今日已經系我的cycle的Day 27（放精后Day 14），早上量體溫還能keep住37度。但由于尋日肚痛并有強烈的M來的感覺，本來聽日先要返醫生度抽血驗孕的我決定今朝自己提早用驗孕棒驗。結果系意料中事，又一次吃白果。宜家冧緊聽日到底返唔返醫生度抽血好。明知唔得都仲要洗幾百蚊驗血，我真系唔想！等到驗血結果出咗，姑娘話俾我知唔成功，咪又一次觸動到自己心深處的傷口，咁有何必呢？

知道結果后的我覺得失望系理所當然的，但更強烈的系一種欲哭無淚的感覺，心里越覺麻木了，冰冷了。我百無聊賴地上網睇新聞，希望可以分散下心情，點知又俾我見到Lisa S宣布同吳彥祖有咗第一個BB的消息。果一刻真系覺得點解其他人咁容易就可以bingo，而自己卻要一次又一次地失望。到底上天要考驗我到幾時？到底想要一個屬于自己的BB有咩錯？唔通個天覺得我仲未ready? 咁到底要點先算系ready啊？我心里有太多問號，但又有誰可以幫我解答呢？

First IUI 之體溫篇

以下系今個cycle記錄的基礎體溫狀況：

Day·11 （打破卵針）- 36.5度
Day 12 - 36.5度
Day 13 （放精日）- 36.5度
Day 14 （放精后Day 1）- 36.6度
Day 15 （放精后Day 2）- 36.9度
Day 16 （放精后Day 3）- 36.9度
Day 17 （放精后Day 4）-  36.9度
Day 18 （放精后Day 5）-  36.6度
Day 19 （放精后Day 6）-  37度
Day 20 （放精后Day 7）-  37度
Day 21 （放精后Day 8）-  37度
Day 22 （放精后Day 9）-  37.1度
Day 23 （放精后Day 10）-  37.2度
Day 24 （放精后Day 11）-  37度
Day 25 （放精后Day 12）-  37度
Day 26 （放精后Day 13）-  37度
Day 27 （放精后Day 14）-  37度
Day 28 （放精后Day 15）-  37度

P.S. 星期一返Dr So度抽血驗孕酮（P4）的數值，結果系190.6。姑娘話數值顯示血液內黃體酮荷爾蒙足夠，但都要繼續塞藥，每日三次，每次一粒（100mg），直到驗孕日。如果blog友想了解多d有關孕酮的資料，可以click以下的網站：

http://zh.wikipedia.org/wiki/%E5%AD%95%E9%85%AE

今日的氣溫突然下降，外面又冷又濕，各位努力中的姐妹們記得保暖啊！

First IUI 之放精后感受

上次講到星期一順利放精后，Dr So 開咗Utrogestan 100mg塞藥俾我，要我每隔8小時塞一粒。到今日已經系放精后第4天了，同大家分享下呢幾日的一d身體感覺：

（一）整天腹部腫脹，晚上去廁所時仲感覺到腹部有d絞痛；
（二）一到下午就好眼訓，每日都要訓返個幾鐘；
（三）尿頻，隔半個鐘就要去一次，但量并不多；
（四）個肚多氣，成日放屁，哈哈哈；
（五）今朝早屙咗一次，屙完后覺得個肚舒服好多，希望唔好再屙喇；
（六）個胸腫痛，有時夜晚會痛醒，乳頭比平時大同硬，仲特別敏感；
（七）個腦轉慢咗，仲好善忘。

唔知塞藥會唔會導致以上癥狀呢？

First IUI 之好事多磨

話說上回講到我周五(day 10 of my cycle)返去見Dr So，一早上PM抽血，結果竟然係LH - 11.5，E2 - 3,745，兩個數值比起day 5驗血的結果都飆升咗好多。E2數值升咗，證明卵子系度長大；而LH的飆升則顯示身體想排卵了。照埋陰道超聲波，一共搵到11個卵子，但只有兩個成熟，左右各一個，Dr So話做IUI就剛剛好。但因為通常LH過咗20就表示已經排咗卵了，所以Dr So話我好可能系來緊一兩日排。呢個系好消息，因為系時候擺精，但因為診所星期日唔開，Dr So話唔值得俾多咁多錢專燈系果日放精。于是乎我地決定博一博，星期六一早再驗多次血，如果LH都未過20就可以當晚打排卵針，星期一早上放精。如果過咗20，就證明已經排咗卵，今個cycle就做唔成了，之前做的所有野都白費。宜家一切都只能聽天由命了。

由于擔心自己的LH會升過20overnight，我成晚都訓唔好。第朝一早返診所抽血。姑娘見到我右手手臂上已有幾個針孔（因為一星期內抽咗幾次血），就建議今次抽左手，我話OK無問題，我同兩只手有仇，抽邊只都無所謂，哈哈哈.....（真系笑中有淚）

抽完血等咗兩個鐘先有結果，個心一直七上八落，當從姑娘口中得知LH系18.5時，真系放下心頭大石，好險咁過咗關！終于可以按計劃當天晚上打排卵針，星期一早上放精lu。

好事總是多磨！

First IUI 正式拉開序幕

好耐無寫blog，同大家update下近況。其實，睇個標題都已經估到發生咩事喇。

過去4個月，我系仁安周醫生度一口氣做咗4次natual cycle IUI，結果都系吃白果。雖然一早就知natual cycle IUI成功率唔高，但始終抱住一絲希望，所以失望的心情可想而知。痛定思痛后正當我盤算著下一步應該點行之際，Dr So（蘇偉基）的姑娘突然打俾我話可以提早見Dr So（原來排咗明年4月先有得睇），我當然喜出望外一口就應承喇。于是乎我上個禮拜就見咗Dr So。他知道我已經試咗4次natual cycle IUI后，就提議我唔好再嘥時間，正式做IUI。我欣然接納咗他的意見，正式踏上IUI呢條不歸路（講到好似好壯烈咁，哈哈哈）！

今日已經系cycle的day7，亦都打咗5日Puregon，每日打75iu。今朝仲驗埋E2同LH的level，睇下d針藥有無效又或者會唔會過量，出來的結果系E2 - 734/LH - 2.6，姑娘話指標OK，卵巢對針藥有反應，但仲要繼續打針直到禮拜五見醫生為止。希望一切順利啦。到時再update大家！

抉擇

暫時的放棄工作不意味著放棄自我，整天在職場奔波的人也不代表就一定有自我。一個人良好的自我認知是來源於對自己生活和情緒的掌控，來源於樂天知命的智慧和自信從容的內心，而不是僅靠忙碌來填充自己的生活。既然選擇了，只要用心，這一程同樣能書寫人生精彩的篇章。

雪糕

就算生活有再多的不如意，我地都要笑著面對。

睇下，原來雪糕系咁整出來嘎，雖然有機，但好嘔心啊，哈哈哈

 

備孕

備孕改變了我的生活。一向用開的化妝品停了，頭髮變成黑黑的直發，指甲變成純色，衣服變成寬鬆款，時尚雜誌變成了健康、備孕書，就連浪漫的AA也變成了A計畫，每天早上擔心的不再是返工遲到而是體溫，每個月期盼的不再是出糧而是大姨媽，樓、車都不再是重點，錢也不再那麼重要，只要baby來，洗再多的錢也不再心疼。備孕的姐妹們有同感嗎？

長途跋涉