Verandah@Peninsula

話說上個禮拜同大笨鍾去左半島酒店的Verandah吃自助餐慶祝生日。Verandah去年剛剛裝修過，環境光猛，格調雅致，氣氛elegant，連D客人都好似斯文好多，但空間相比起其他五星級酒店就較細，臺的數量亦唔多。

 

講返D食物，前菜同冷盤的品種都算多，有各種海鮮魚生，其中煙熏青口系我的至愛，入口甘香，味道好特別，其他地方吃唔到嘎。生蠔亦都系我的首選之一，濃濃的海水味中不失清甜，正！而沙律就有四五種，以青菜為主，沙律醬自選。我揀左lettuce配芝麻醬，D菜又脆又新鮮。

 

不得不贊的是這個tomato cream soup，番茄味濃郁，勁creamy，但又唔漏啵，簡直一絕！

 

至于熱菜方面，這里的選擇就比較少，而且以西式熱菜為主，無咩驚喜。

 



甜品當然少不了，我試左macaron，vanilla puff同葡tart，都幾好味。其實，仲有好幾款其他甜品同雪糕，但因為太飽的緣故，今次試唔到喇。

To be honest，這頓飯我較享受個環境同氣氛，食物質數都幾高，但品種方面就略為遜色喇。